Grupo de Investigación en Innovacións Educativas

O Grupo de Investigación en Inovacións Educativa (GIE) está composto por profesorado investigador da Facultade de Ciéncias da Educación da Universidade da Coruña. O motor que nos guía é un forte compromiso moral e a responsabilidade e obriga de contribuir a un mundo mais xusto através dunha educación libertadora e comprometida coa defesa dos direitos de todos os colectivos sociais, pero especialmente dos grupos que están sofrindo os efeitos dun mundo ainda moi inxusto, daqueles que se sinten mais silenciados e marxinalizados.

As nosas principais liñas de traballo son:

• Políticas educativas, curriculares e xustiza social.
• Equidade e Educación Inclusiva.
• As tecnoloxías da información e da comunicación e a educación.
• Educación Infantil.
• Investigación-Acción e Avaliación.
• Educación mediática.
• A análise do conteúdo dos recursos para o ensino.
• Inovacións educativas.
• Investigación sobre currículum oculto e explícito.

Os resultados das nosas investigacións tratamos de que alcancen a maior difusión, tanto através deste sitio web, como participando en congresos internacionais e nacionais, simpósios, reunións científicas, cursos e seminários.

Pretendemos co noso traballo facilitar debates e toma de decisións mais informadas e nas que participen o maior número posíbel de profisionais e, en xeral, todas aquelas persoas convencidas de que outro mundo é posíbel e, polo tanto, outro sistema educativo máis xusto, democrático e solidário.

Estamos integrados en RedeTELGalicia, unha rede de grupos de investigación interesados na aplicación das Tecnoloxías da Información e a Comunicación (TIC) na educación, centrándose principalemente en educación primaria e secundaria.

Os grupos participantes en RedeTELGalicia teñen unha ampla experiencia no desenvolvemento de proxectos e-learning pero seguindo diferentes enfoques. Algúns dos grupos centráronse no desenvolvemento de tecnoloxías e infraestruturas, mentres que outros se ocupan principalmente da práctica docente e da pedagoxía. Este vínculo entre a tecnoloxía e a pedagoxía reflexa a interdisciplinariedade deste campo de investigación que require as achegas e a coordinación das dúas partes.

http://www.redetelgalicia.es/